حكايتي مع الثورة -الجزء الرابع

نساءضدالانقلاب
الجزء الرابع من ذكريات الأستاذة ” أسماء مهاب ” متحدثة حركة ” نساء ضد الانقلاب ” أثناء اعتصامها في ميدان التحرير في ثورة يناير ٢٠١١ :
ليله ٢ فبراير ( موقعه الجمل )
بعد العشاء الميدان ممتلئ بس طبعا مش زي يوم المليونيات ( الجمعه والثلاثاء )
مبارك يخطب خطابه العاطفي الشهير… يهتز الميدان بهتافات الاحرار
اكثر ما لفت انتباهي وعي الشارع المصري اقصد من في الميدان لأني لا أعلم الخارج ماذا يقول
اتذكر مشهد رفع الحذاء امام شاشات الميدان تعبير علي شتيمه مبارك 😂
بس فجاءه جالي اتصال هاتفي من أحد اقاربي المقربون ( يا بنتي ارجعي بقي الراجل غلبان حرام عليكم واهو قال ٦ شهور ويمشي انتم عاوزين تخربوها 😂😂😂
اختي قالتلي حرااااام عليكي مصعبش عليكم .. اعتبريه ابوكي )
طبعا انصدمت ان ده رأيهم بره وبدأنا نعرف ان فعلا بره بقي في نوع من التعاطف
نمنا وصحينا الصبح نحاول نفهم هنتفخ ازاي 😎😂
وفعلا الساعه ١٠ ص لقينا كام واحد علي أطراف الميدان شايلين صورة مبارك زوجي راح لقائد من قياده الامؤخذه الجيش قاله كده غلط وده نوع من الاستفزاز ولازم تتصرفوا
لامؤخذه ظابط الجيش حاول يا الموقف بطريقه مستفزة تسببت في بعض المشادات
الجو فضل مكهرب لحد المغرب الضرب من كل ناحيه
مش عارفه زوجي فين
في نص الميدان هلع ورعب
الحقيقه انا كان عندي لامبااااالاه غريبه مش غريبه اوي لأني كنت ساعتها ياخد برشام بيعمل نوع من الهلوسه ( برشام للفطام ) الستات هتفهم حالتي وطبعا اضطريت للوضع ده نتيجه ان من يوم ٢٩ يناير وانا ببات في الميدان
المهم مكنتش متأكده ان الضرب حقيقي ولا تهيؤات😂😂😂
( اول مرة اقول الكلام دا)
ينايرأمليتجدد
كشف_حساب
حكايتي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *